Zer ezberdintasun dago mailegu eta kreditu baten artean?

Mailegua finantza-eragiketa bat da, eta horren bidez, alderdi batek (mailegu-emaileak) diru-kopuru bat ematen dio beste alderdi bati (mailegu-hartzailea). Mailegu-hartzaileak diru-kopuru hori jasotzen du eta betebehar hauek hartzen ditu:

• Aurretik ezarritako xedean erabiltzea
• Aurretik ezarritako interesak eta beste kostuak adierazitako datan ordaintzea
• Zenbateko hori itundutako epemugan itzultzea

Eskuarki, aldizkako kuoten bidez egiten da itzulketa, kapitalez eta interesez osatuak.

Kreditua kontratu bat da, zeinaren bidez finantza-erakunde batek bezeroaren eskura diru-kopuru jakin bat jartzen duen, muga izenekoa, data jakin batera arte (epemuga). Titularrak erabilgarri dagoen kopurua epemugan itzultzeko konpromisoa hartzen du.